ಭಲೇ ಕೈಪಿಡಿ !

ಇತ್ತೀಚೆಗೆ ಬೆಂಗಳೂರಿನ ಔಷದಿ ಅಂಗಡಿಗಳಲ್ಲಿ ರೋಗಿಗೆ ಸಹಾಯವಾಗುವಂತ ಈ ಒಂದು ಕೈಪಿಡಿ (ಚಿತ್ರ ನೋಡಿ) ಕಾಣಿಸಿಕೊಳ್ಳಲು ಶುರುವಾಗಿದೆ. ಇದರ ವಿಶೇಷವೇನಂದ್ರೆ ಇದರಲ್ಲಿ ಮೂಡಿರುವ ಮಾಹಿತಿಯೆಲ್ಲವೂ ಕನ್ನಡದಲ್ಲೇ ಇದೆ. ರೋಗದ ಹೆಸರಿನಿಂದ ಹಿಡಿದು, ಅದರ ಅರ್ಥ, ಕಾರಣಗಳು, ಮತ್ತು ವಾಸಿ ಮಾಡಿಕೊಳ್ಳುವ ವಿಧಾನದ ಬಗ್ಗೆ ಎಲ್ಲಾ ಮಾಹಿತಿಯೂ ಈ ಕೈಪಿಡಿಯಲ್ಲಿ ಸುಲಭವಾಗಿ ಅರ್ಥವಾಗುವಂತೆ ಕನ್ನಡದಲ್ಲೇ ನೀಡಲಾಗಿದೆ ಗುರು!

ಬೆಂಗಳೂರಿನ ಕೆಲವು ಆಸ್ಪತ್ರೆಗಳು ಮತ್ತು ತಪಾಸಣೆ ಕೇಂದ್ರಗಳಲ್ಲಿ ಸಾಮಾನ್ಯ ನೋಟವಾಗಿರುವ ಇಂಗ್ಲಿಷ್ ಕೈಪಿಡಿಗಳ ನಡುವೆ ಇದೀಗ ಈ ಕನ್ನಡದ ಕೈಪಿಡಿಯು ಹೊಳೆಯುತ್ತಿರುವ ವಜ್ರದ ಹಾಗೆ ತಲೆದೋರಿದೆ. ಕನ್ನಡದಲ್ಲಿರುವ ಈ ಮಾಹಿತಿ ಸಹಜವಾಗಿಯೇ ಕನ್ನಡಿಗರನ್ನು ಹೆಚ್ಚು ಸುಲಭವಾಗಿ ತಲುಪುತ್ತದೆ. ಇದರಿಂದ ಓದುವ ರೋಗಿಗಷ್ಟೇ ಅಲ್ಲದೇ, ಮಾರಾಟದಲ್ಲಾಗುವ ಹೆಚ್ಚಳದಿಂದ ಈ ಔಷಧಿ ಕಂಪನಿಗೂ ಲಾಭವಾಗಲಿದೆ ಗುರು !

ಜನರನ್ನು ತಲುಪಲು ಜನರ ಭಾಷೆಯೇ ಸರಿ
ತಿಳಿಯದ ರೋಗಗಳ ಬಗ್ಗೆ ಜನರಲ್ಲಿ ಇರಬಹುದಾದ ಶಂಕೆ ಮತ್ತು ಗೊಂದಲಗಳನ್ನು ಬಿಡಿಸುವ ಮೂಲಕ, ಮತ್ತಿದನ್ನು ಗ್ರಾಹಕನ ಭಾಷೆಯಲ್ಲಿಯೇ ಹೇಳುವುದು ಗ್ರಾಹಕನ ಮನಸ್ಸು ಗೆಲ್ಲುವ ಅತ್ಯಂತ ಸುಲಭವೂ, ಪರಿಣಾಮಕಾರಿಯೂ ಆದ ವಿಧಾನ ಎಂಬುದನ್ನು ಈ ಸಂಸ್ಥೆಯೋರು ಬಹಳ ಚೆನ್ನಾಗಿ ಅರ್ಥ ಮಾಡಿಕೊಂಡಿರುವ ಹಾಗಿದೆ ಗುರು. ತಮ್ಮ ಎಲ್ಲ ಪ್ರಕಟಣೆ, ಜಾಹೀರಾತು, ಮಾಹಿತಿಗಳನ್ನು ಇಂಗ್ಲಿಷ್ ಅಲ್ಲಿ ಮಾತ್ರ ಹಾಕ್ತಿರೋ ವೈದ್ಯಕೀಯ ಕ್ಷೇತ್ರದ ಇತರೆ ಕಂಪನಿಗಳು ಇವರನ್ನ ನೋಡಿ ಎಷ್ಟು ಬೇಗ ಕಲಿತಾರೋ ಅಷ್ಟು ಅವರಿಗೇ ಒಳ್ಳೆದು. ಏನಂತೀಯಾ ಗುರು ?

ಇದಕ್ಕೆ ಸಂಬಂಧಿಸಿದಂತೆ ನಮ್ಮ ಇನ್ನೊಂದು ಬ್ಲಾಗು ಇಲ್ಲಿ ಮೂಡಿ ಬಂದಿತ್ತು.

0 ಅನಿಸಿಕೆಗಳು:

ನಿಮ್ಮ ಅನಿಸಿಕೆ ಬರೆಯಿರಿ

"Anonymous" ಆಗಬೇಡಿ, ಯಾವುದಾದರೂ ಒಂದು ಹೆಸರಿಟ್ಟುಕೊಂಡು ಸೋಮಾರಿತನವನ್ನು ಎದುರಿಸಿ!

Related Posts with Thumbnails