ಸಿಟಿ ಬ್ಯಾಂಕಿನಲ್ಲಿ ಬೀಸಿದ ಬದಲಾವಣೆಯ ತಂಗಾಳಿ!!

ಇದು ಉರಿ ಬಿಸಿಲಿನಲ್ಲಿ ತಣ್ಣುಗಿರೋ ನೀರು ಕುಡಿಯಕ್ಕೆ ಸಿಕ್ಕುದ್ರೆ ಆಗೋ ಖುಷಿಯಂತಹುದ್ದೇ ಅನುಭವಾ ಕೊಡ್ತಿರೋ ಸುದ್ದಿ. ಏನಪ್ಪಾ ಅಂದ್ರೆ ಪಕ್ಕದಲ್ಲಿ ಹಾಕಿರೋ ಸಿಟಿಬ್ಯಾಂಕಿನ ಈ ಗ್ರಾಹಕ ಕೈಪಿಡಿಯನ್ನು ನೋಡಿ! ಹ್ಞಾಂ! ಸಿಟಿ ಬ್ಯಾಂಕೋರು ಕನ್ನಡದಲ್ಲಿ ಕೈಪಿಡಿ ಮಾಡಿದಾರೆ ಅಂತಾ ಬಾಯ್ಬುಡ್ಕೊಂಡು ನೋಡ್ತಿದೀರಾ? ಇದುನ್ ನೋಡಿದ್ ಕೂಡ್ಲೇ ನಮಗೂ ಹಂಗೇ ಆಗಿತ್ತು...ಗುರೂ! ಬೆಂಗಳೂರಿನಲ್ಲಿ ಹತ್ತಾರು ಶಾಖೆ ಹೊಂದಿರುವ, ಹತ್ತಾರು ವರ್ಷಗಳಿಂದ ವ್ಯಾಪಾರ ಮಾಡುತ್ತಿರುವ ಈ ಬ್ಯಾಂಕಿನೋರು ತಡವಾಗಿಯಾದರೂ ಕನ್ನಡಿಗ ಗ್ರಾಹಕರ ಬೇಡಿಕೆಗಳಿಗೆ ಸ್ಪಂದಿಸಿದ್ದಾರೆ - ಈ ಹೆಜ್ಜೆ ಗ್ರಾಹಕರಿಗೆ ಅನುಕೂಲವಷ್ಟೇ ಅಲ್ಲದೆ ತಮಗೂ ಲಾಭದಾಯಕ ಅಂತ ಸಿಟಿಬ್ಯಾಂಕಿಗೆ ಮನವರಿಕೆ ಆದಂಗಿದೆ! ಏನಂದ್ರೂ ಸಿಟಿಬ್ಯಾಂಕಿನ ಸಂಬಂಧಪಟ್ಟ ಅಧಿಕಾರಿಗಳಿಗೆ ನಮ್ಮದೊಂದು ಅಭಿನಂದನೆ!!

ಹೇಗೆ ಸಾಧ್ಯವಾಯಿತು?

ಕೆಲವು ತಿಂಗಳುಗಳ ಹಿಂದೆ ಒಬ್ರು ತಮ್ಮ ಕ್ರೆಡಿಟ್ ಕಾರ್ಡಿನ ವಹಿವಾಟಿಗೆ ಸಂಬಂಧಿಸಿದಂತೆ ಸಿಟಿಬ್ಯಾಂಕಿನೋರಿಗೆ ಒಂದು ಪತ್ರ ಬರೆದಿದ್ದರು. ಇಡೀ ಪತ್ರ ಮತ್ತು ಸಹಿ ಕನ್ನಡದಲ್ಲಿತ್ತು ಅನ್ನೋ ಕಾರಣದಿಂದಾಗಿ ಬ್ಯಾಂಕು ಗ್ರಾಹಕರ ಮನವಿ ಪತ್ರವನ್ನು ತಿರಸ್ಕರಿಸಿ ಹಿಂದಿ ಅಥವಾ ಇಂಗ್ಲೀಷಿನಲ್ಲಿ ಮಾತ್ರವೇ ಇರುವ ಪತ್ರಗಳಿಗೆ ನಾವು ಉತ್ತರಿಸುತ್ತೇವೆ ಅಂದಿತ್ತು. ನಮ್ಮ ಈ ಜಾಗೃತ ಗ್ರಾಹಕರು ಇಷ್ಟಕ್ಕೆ ಸುಮ್ಮನಾಗದೆ ಭಾರತೀಯ ರಿಜರ್ವ್ ಬ್ಯಾಂಕಿಗೆ ಈ ಪ್ರಕರಣ ಕುರಿತು ದೂರಿದ್ದರು. ಆರ್.ಬಿ.ಐ ಹೊರಡಿಸಿದ್ದ Fair Practices Code ಪ್ರಕಾರ ಈ ಬ್ಯಾಂಕು ನಡೆದುಕೊಂಡಿಲ್ಲ ಎಂದು ಆ ಸಂದರ್ಭದಲ್ಲಿ ಆರ್.ಬಿ.ಐ ಈ ಬ್ಯಾಂಕಿಗೆ ಛೀಮಾರಿ ಹಾಕಿತ್ತು. ಪರಿಣಾಮವಾಗಿ ಅಲ್ಲಿಯವರೆಗೆ ಹಿಂದಿ ಅಥವಾ ಇಂಗ್ಲಿಷ್‍ನಲ್ಲಿರೋ ಪತ್ರಕ್ಕೆ ಮಾತ್ರಾ ಮಾನ್ಯತೆ ಅಂತ ಹೇಳಿದ್ದ ಆ ಬ್ಯಾಂಕಿನೋರು ಕನ್ನಡದ ಪತ್ರವನ್ನು ತಕ್ಷಣ ಒಪ್ಪಿಕೊಂಡು ಕನ್ನಡದಲ್ಲಿ ವಹಿವಾಟು ಮಾಡಲಾಗುತ್ತದೆ ಎಂಬ ಸಂದೇಶ ಕೊಟ್ಟಿದ್ದರು! ಇದು ಯಾವುದೋ ಒಂದು ಬ್ಯಾಂಕಿಗೆ ಸೀಮಿತವಾಗಿರಲಿಲ್ಲ.

ಹಿಂದೆ ಹಾಗಿದ್ದ ಪರಿಸ್ಥಿತಿ ಈಗ ಹೇಗೆ ಸುಧಾರಿಸಿತು ಅಂದ್ರೆ ಇತ್ತೀಚಿಗೆ ಕನ್ನಡದಲ್ಲಿ ಗ್ರಾಹಕ ಸೇವೆ ಇರಬೇಕು ಅನ್ನೋ ಜಾಗೃತಿ ಕನ್ನಡಿಗರಲ್ಲಿ ಹೆಚ್ಚೆಚ್ಚು ಉಂಟಾಗಿ ಬ್ಯಾಂಕಿಗೆ ಅದನ್ನು ತಿಳಿಸಿದ್ದರಿಂದಾಗಿಯೇ ಆಯ್ತು ಅಂತನ್ನಬಹುದು. ನಾವು ಹೆಚ್ಚಿನ ಸಂಖ್ಯೇಲಿ ಗ್ರಾಹಕ ಹಕ್ಕುಗಳಿಗಾಗಿ ಒತ್ತಾಯಿಸಿದಾಗ ಸಹಜವಾಗಿ ಅದು ಇಂತಹ ಬದಲಾವಣೆಗಳಿಗೆ ಕಾರಣವಾಗುತ್ತೆ ಅನ್ನೋದಕ್ಕೆ ಈ ಒಂದು ಸನ್ನಿವೇಶ ಒಳ್ಳೇ ಉದಾಹರಣೆಯಾಗಿದೆ.

ನಮ್ಮ ಉತ್ಸಾಹ ಹೆಚ್ಚಿಸಿ ಸ್ಪೂರ್ತಿ ನೀಡಲಿ!

ತಡವಾಗಿಯೇ ಸರಿ ಕೊನೆಗೂ ಈ ಬ್ಯಾಂಕಿನೋರು ಗ್ರಾಹಕರ ಬೇಡಿಕೆ ಏನು ಅಂತ ಅರ್ಥ ಮಾಡಿಕೊಂಡಿದ್ದಾರೆ. ಹಾಗಂತ ಈ ಬ್ಯಾಂಕುಗಳಲ್ಲಿ ಎಲ್ಲೆಡೆ ಕನ್ನಡ ಕಂಗೊಳಿಸುತ್ತಿದೆ ಅಂತೇನಲ್ಲ. ಈಗಲೂ ಬ್ಯಾಂಕಿನ ಇತರ ಹಲವಾರು ಸೇವೆಗಳಲ್ಲಿ ಕನ್ನಡ ಬಳಕೆ ಆಗುತ್ತಿಲ್ಲ. ಅದು ಬ್ಯಾಂಕಿನಿಂದ ಬರುವ ದೂರವಾಣಿ ಕರೆ ಇರಬಹುದು, ಬ್ಯಾಂಕಿನೊಳಗೆ ಸಿಗುವ ಹಲವಾರು ಅರ್ಜಿ ಕಡತಗಳು ಇರಬಹುದು ಅಥವಾ ಬ್ಯಾಂಕಿನೋರು ಹೊರಡಿಸುವ ಜಾಹಿರಾತುಗಳೇ ಇರಬಹುದು. ಇವುಗಳಲ್ಲಿಯೂ ಕನ್ನಡವು ಬಳಕೆಯಾಗುವ ಹಾಗೆ ಒತ್ತಾಯಿಸುವುದು ನಮ್ಮೆಲ್ಲರ ಹೊಣೆ ಆಗಿದೆ. ಸಿಟಿಬ್ಯಾಂಕಿನ ಈ ಬದಲಾವಣೆಯನ್ನು ಮೆಚ್ಚಿ ಬೆನ್ತಟ್ಟೋಣ. ಹಾಗೇ ಗ್ರಾಹಕರಾಗಿ ಕನ್ನಡದಲ್ಲಿ ಎಲ್ಲಾ ಸೇವೆ ಪಡೆಯುವ ಹಕ್ಕೊತ್ತಾಯವನ್ನು ಆಗಿಂದಾಗ್ಗೇ ಮಾಡುತ್ತಿರೋಣ. ಏನಂತೀರಾ ಗುರೂ!

10 ಅನಿಸಿಕೆಗಳು:

gangadhara ಅಂತಾರೆ...

jai karnataka maate.. naanu ide reeti HSBC grahakara sevege kare maadidaaga hata maadidde.. konege ardambarda kannada gottidantha vyakti uttara kottidda :)

sandeep ಅಂತಾರೆ...

bahaLa oLLeya beLavaNige!

ಕ್ಲಾನ್ಗೋರೌಸ್ ಅಂತಾರೆ...

ಒಳ್ಳೆ ಸುದ್ದಿ ಗುರು,
ಅರ್ಜಿ ಬರೆದವರಿಗೆ ಹಾಗು ಇದನ್ನು ಹಂಚಿಕೊಂಡ ನಿಮಗೆ ನನ್ನಿ

ಇಂತಿ
ಕ್ಲಾನ್ಗೋರೌಸ್

msramz ಅಂತಾರೆ...

ಆಹಾ ಒಳ್ಳೇ ಸುದ್ಧಿ . ಇಂಥಾ ಜಾಗೃತ ಗ್ರಾಹಕರು ಬೇಕು ನಮ್ಮ ಕನ್ನಡ ಉಳಿಲಿಕ್ಕೆ
ಇನ್ಮೆಲ್ಲೇ ಬ್ಯಾಂಕ್ನಲ್ಲಿ ಕನ್ನಡಕ್ಕೆ ಪ್ರತಿಕ್ರಿಯೆ ತಣ್ಣಗಿದ್ರೆ ನಾನು ಬಿಸಿಯಾಗ್ತೀನಿ

Madhavarao ಅಂತಾರೆ...

idu tumba valle badalavane

sandeep ಅಂತಾರೆ...

guru, haage coffee day bagge ondu article haaki. yaako bahaLa ganchali toristidaare.

paddy ಅಂತಾರೆ...

ಬೀಸಲಿ ಬದಲಾವಣೆಯ ಗಾಳಿ .....
ಹುಗುರಾಗಿ..... ತಂಪಾಗಿ... ಎಲ್ಲರೂ ಆನಂದಿಸುವಂತೆ......!

pratap ಅಂತಾರೆ...

olleya BeLavanige,
enguru blog odid mele....ittichina dinagaLalli bank cheque Kannadalli bareeta iddene.

swarna ಅಂತಾರೆ...

Guru...

I had written in kannada words in a Citi bank cheque I gave somebody and they had dishonored it! And I couldn't get a complete explanation for why they dishonored it. Anyways I wrote it again in Kannada and they honored this time!

But...

"Fair Practices Code" nalli kannada/local language nalli patra baredare sweekarisabEku anta (athava aa reethiya artha baruvareetiyalli) elli baredide?

this is what I see:

2.1.2 To Help You To Understand How Our Financial Products And Services Work By:
a. Giving you information about them in any one or more of the following languages: Hindi,
English or the appropriate local language.

And if the language parser in my brain is working fine, then I think this does not imply that they must give information in Kannada.

Bheemesh ಅಂತಾರೆ...

Belkin modem bagge keloke customer care_ge phone maadidre, alli kannada gottirore ilvanthe! Avra hatra hindi_nalle maataadbekanthe!! Idara bagge en maadbahudu, guru!!!

ನಿಮ್ಮ ಅನಿಸಿಕೆ ಬರೆಯಿರಿ

"Anonymous" ಆಗಬೇಡಿ, ಯಾವುದಾದರೂ ಒಂದು ಹೆಸರಿಟ್ಟುಕೊಂಡು ಸೋಮಾರಿತನವನ್ನು ಎದುರಿಸಿ!

Related Posts with Thumbnails