ಕನ್ನಡದಲ್ಲಿ ಹುಡುಕುವುದು ಹೇಗೆ?

ಅಂತರ್ಜಾಲದ ನಿಜವಾದ ಲಾಭ ಪಡೀಬೇಕಾದರೆ ನಿಮಗೆ ಬೇಕಾದ ಮಾಹಿತಿಯನ್ನ ಹುಡುಕಕ್ಕೆ ಆಗೋದು ಬಹಳ ಮುಖ್ಯ. ಅದಕ್ಕೇ ಗೂಗಲ್ ನಂತಹ ಹುಡುಕು-ಯಂತ್ರಗಳು ಕೋಟಿಮೇಲೆ ಕೋಟಿ ರೂಪಾಯಿ ಪೇರಿಸಿಕೊಳ್ಳುತ್ತಿರುವುದು. ಇತ್ತೀಚೆಗೆ ಅಂತರ್ಜಾಲದಲ್ಲಿ ಕನ್ನಡ ಎಲ್ಲೆಲ್ಲೂ ಹರಡಿದೆ. ಕನ್ನಡದ ಪುಟಗಳಿಗೆ ಏನೂ ಕಡಿಮೆಯಿಲ್ಲ. ಸುಮ್ಮನೆ "ಕನ್ನಡ" ಅಂತ ಗೂಗಲ್ಲಿನಲ್ಲಿ ಹುಡುಕಿದರೆ ಹೆಚ್ಚು ಕಡಿಮೆ ೧೧ ಲಕ್ಷ ಪುಟಗಳಿವೆ ಅನ್ನತ್ತೆ.
ಕನ್ನಡದಲ್ಲಿ ಹುಡುಕುವುದು - ಗೂಗಲ್
ಕನ್ನಡದಲ್ಲಿ ಹುಡುಕಕ್ಕೆ ನೀವೇನು ಮಾಡಬೇಕು ಗೊತ್ತಾ?

  • ಮೊದಲನೇದಾಗಿ ನಿಮ್ಮ ಗಣಕ ಯೂನಿಕೋಡ್ ತೋರಿಸುವುದಕ್ಕೆ/ಬರೆಸಿಕೊಳ್ಳುವುದಕ್ಕೆ ತಯಾರಿರಬೇಕು. ಯುನಿಕೋಡ್ ಅನ್ನೋದು ಪ್ರಪಂಚದ ಎಲ್ಲಾ ಭಾಷೆಗಳನ್ನೂ ಒಳಗೊಂಡ ಒಂದು ಕೋಡ್. ನಿಮ್ಮ ಗಣಕಕ್ಕೆ ಯುನಿಕೋಡ್ ಸೌಲಭ್ಯ ಒದಗಿಸಕ್ಕೆ ಇಲ್ಲಿ ನೋಡಿ.

  • ಯುನಿಕೋಡಿನಲ್ಲಿ ಬರೆಯುವುದಕ್ಕೆ ಬಿಡುವ ಒಂದು ತಂತ್ರಾಂಶ ಹಾಕಿಕೊಳ್ಳಿ. ಏನ್ ಗುರು ಉಪಯೋಗಿಸುವುದು ನೇರ ಬರಹ ಅಥವಾ ಬರಹ ಡೈರೆಕ್ಟ್.

  • ನೇರ ಬರಹ ಉಪಯೋಗಿಸಿದರೆ ಸಿಸ್ಟಮ್ ಟ್ರೇನಲ್ಲಿರುವ ಬರಹ ಐಕನ್ ಮೇಲೆ ಒತ್ತಿ Language -> Kannada -> Unicode ಆರಿಸಿಕೊಳ್ಳಿ. ನಿಮ್ಮ ಮೆಚ್ಚಿನ ತಂತ್ರಾಂಶವನ್ನು ಉಪಯೋಗಿಸಿ ಗೂಗಲ್-ಗೆ(ಇಲ್ಲವೇ ಇನ್ನೊಂದು ಹುಡುಕು-ಪುಟಕ್ಕೆ) ಹೋಗಿ ನೇರವಾಗಿ ಕನ್ನಡದಲ್ಲಿ ಹುಡುಕು-ವಾಕ್ಯವನ್ನು ಬರೆಯಿರಿ, ಎಂಟರ್ ಒತ್ತಿ, ಅಷ್ಟೆ!


ಇತ್ತೀಚೆಗೆ kannadasearch.com ಅನ್ನುವ ಒಂದು ಕನ್ನಡದ ಹುಡುಕು ಪುಟ ಬೇರೆ ತಲೆಯೆತ್ತಿದೆ. ಇದನ್ನೂ ಉಪಯೋಗಿಸಬಹುದು.

3 ಅನಿಸಿಕೆಗಳು:

Anonymous ಅಂತಾರೆ...

You can also use the google Kannada Portal:
http://www.google.com/intl/kn/

Vish

Anonymous ಅಂತಾರೆ...

ನಿಮ್ಮ ವೆಬ್ ಸೈಟ್ ತುಂಬ ಚೆನ್ನಾಗಿದೆ. ಬಹಳ ಒಳ್ಳೇಯ ಪ್ರಯತ್ನ ಮಾಡಿದೀರ. ನಾನು ಕೂಡ ಕನ್ನಡ ಬರಹ ಕಲಿತೆ
- ಗಣೇಶ್

IdeaNaren ಅಂತಾರೆ...

ಗೂಗಲ್ ಕನ್ನಡ ಕೂಡ ಬಳಸಬಹುದು!
http://www.googlekannada.com

ನಿಮ್ಮ ಅನಿಸಿಕೆ ಬರೆಯಿರಿ

"Anonymous" ಆಗಬೇಡಿ, ಯಾವುದಾದರೂ ಒಂದು ಹೆಸರಿಟ್ಟುಕೊಂಡು ಸೋಮಾರಿತನವನ್ನು ಎದುರಿಸಿ!

Related Posts with Thumbnails