ಶಾಲೆ ಪಾಠದಲ್ಲಿ ಬ್ಯಾಂಕು, ಹಣಕಾಸು - ಈ ನಡೆ ಫಸ್ಟ್ ಕ್ಲಾಸು !

ಬ್ಯಾಂಕ್ - ಹಣಕಾಸು ನಿರ್ವಹಣೆ ಮುಂತಾದ, ಎಲ್ಲರ ಜೀವನದಲ್ಲೂ ಅತಿ ಅವಶ್ಯವಾದ ವಿದ್ಯೆನಾ ಶಾಲೆಲಿದ್ದಾಗಲೇ ಮಕ್ಕಳಿಗೆ ಹೇಳಿ ಕೊಡೊ ಕಾರ್ಯಕ್ಕೆ ಕರ್ನಾಟಕ ಕೈ ಹಾಕಲಿದೆ ಅನ್ನೋ ಸುದ್ದಿ ಫೆಬ್ರವರಿ 26ರ ವಿ.ಕ ದಲ್ಲಿ ಬಂದಿದೆ. ಬೆಳೆವ ಸಿರಿಗೆ ಮೊಳಕೆಯಲ್ಲೇ ಇದನ್ನೆಲ್ಲ ಹೇಳಿ ಕೊಡೊ ಈ ಪ್ರಯತ್ನ ನಿಜಕ್ಕೂ ಸಕತ್ ಒಳ್ಳೆ ಕೆಲಸ ಗುರು !

ಏನ್ ಅಂತೆ ಪ್ಲಾನು?
ಬ್ಯಾಂಕಿಂಗ್ ಹಣಕಾಸು ನಿರ್ವಹಣೆ ಕುರಿತ ವಿಷಯಗಳನ್ನು ಪಠ್ಯಕ್ರಮದಲ್ಲಿ ಅಳವಡಿಸುವಂತೆ ದೇಶದ ಎಲ್ಲ ರಾಜ್ಯಗಳಿಗೂ ಆರ್.ಬಿ.ಐ ಕೋರಿಕೆ ಸಲ್ಲಿಸಿತ್ತು. ಇದಕ್ಕೆ ಸ್ಪಂದಿಸಿರುವ ಕರ್ನಾಟಕ 2010ರಿಂದಲೇ ಜಾರಿಗೆ ಬರುವಂತೆ 5ರಿಂದ 9 ನೇ ತರಗತಿವರೆಗೆ ಬ್ಯಾಂಕಿಂಗ್ ಕುರಿತ ಪಾಠಗಳನ್ನು ಪಠ್ಯಕ್ರಮದಲ್ಲಿ ಅಳವಡಿಸಲು ಮುಂದಾಗಿದೆ. ಪ್ರಾಥಮಿಕ ಹಂತದಲ್ಲೇ ಮಕ್ಕಳಿಗೆ ಬ್ಯಾಂಕ್ - ಹಣಕಾಸು ವಿಚಾರಗಳ ಬಗ್ಗೆ ಅರಿವು ಮೂಡಿಸುವುದು ಈ ಯೋಜನೆಯ ಉದ್ದೇಶವಾಗಿದೆ ಗುರು.

ಬ್ಯಾಂಕು, ಅಕೌಂಟು ಅಂದ್ರೆ ಇರೋ ಗಾಬರಿ ಹೋಗಬೇಕು
ಇವತ್ತಿಗೂ ನಮ್ಮ ಹಳ್ಳಿಗಳಲ್ಲಿ ಬ್ಯಾಂಕುಗಳೆಂದರೆ, ಅಲ್ಲಿ ಹೋಗಿ ವ್ಯವಹರಿಸುವುದು ಅಂದ್ರೆ ಹಳ್ಳಿಗರು ಗಾಬರಿಯಾಗ್ತಾರೆ. ಬ್ಯಾಂಕುಗಳು, ಅಲ್ಲಿ ದೊರೆಯುವ ಸೌಕರ್ಯ, ಹಣ ಹೂಡಲು, ಸಾಲ ಪಡೆಯಲು ಇರುವ ಸವಲತ್ತಿನ ಬಗ್ಗೆ ಯಾವುದೇ ಮಾಹಿತಿ, ಶಿಕ್ಷಣ ಇಲ್ಲದಿರುವುದು ಇದಕ್ಕೆ ಬಹುಪಾಲು ಕಾರಣವೂ ಹೌದು. ಈಗ, ಈ ಯೋಜನೆಯ ಆಶಯದಂತೆ ಚಿಕ್ಕಂದಿನಿಂದಲೇ ಬ್ಯಾಂಕು, ಹಣಕಾಸು ಸಂಸ್ಥೆಗಳ ಬಗ್ಗೆ ಕಲಿಕೆಯಲ್ಲಿ ಬಂದರೆ ಸಾಕಷ್ಟು ಬದಲಾವಣೆ ಆಗೋದ್ರಲ್ಲಿ ಅನುಮಾನಾ ಇಲ್ಲ ಗುರು.

ಈ ಯೋಜನೆಯಲ್ಲಿ ಬ್ಯಾಂಕು -ಹಣಕಾಸು ನಿರ್ವಹಣೆಯ ವಿಷಯಗಳ ಜೊತೆಗೆ ಶೇರು ಮಾರುಕಟ್ಟೆಯೆಂದರೇನು? ಅಲ್ಲಿ ಹಣ ತೊಡಗಿಸುವುದು ಹೇಗೆ, ಅದರ ಪ್ರಯೋಜನಗಳೇನು? ಶೇರು ವಹಿವಾಟು ನಡೆಸುವುದು ಹೇಗೆ? ವಿಮೆ (insurance) ಯೆಂದರೇನು ? ಜೀವನದಲ್ಲಿ ಆರೋಗ್ಯ ವಿಮೆ, ಜೀವ ವಿಮೆಯ ಮಹತ್ವವೇನು ? ಇನ್ನೂ ಮುಂತಾದ ವಿಷಯಗಳ ಬಗ್ಗೆಯೂ ಕಲಿಸುವ ಏರ್ಪಾಡಾಗಬೇಕು. ಬರೀ ಪಾಠವಷ್ಟೇ ಅಲ್ಲದೇ ಈ ವಿಷ್ಯಗಳ ಬಗ್ಗೆ ಚಿಕ್ಕ ಪುಟ್ಟ ಆಟಗಳ ಮೂಲಕ ಇದನ್ನು ಪರಿಣಾಮಕಾರಿಯಾಗಿ ಮಕ್ಕಳಿಗೆ ಮನದಟ್ಟಾಗುವಂತೆ ಮಾಡಬೇಕು. ವ್ಯಾಪಾರ, ವಹಿವಾಟು, ಬ್ಯಾಂಕು, ಶೇರು ಮುಂತಾದ ಕೆಲಸಾನಾ ಬೇರೆ ಎಲ್ಲರಂತೆ ಕನ್ನಡಿಗರು ಅದ್ಭುತವಾಗಿ ಮಾಡೋ ಹಾಗಾಗಬೇಕು ಮತ್ತು ಅದರಿಂದ ದೊರೆಯೋ ಎಲ್ಲ ಆರ್ಥಿಕ ಲಾಭಾನಾ ಪಡೆಯೋ ಹಾಗಾಗಬೇಕು. ಆ ದಿಕ್ಕಲ್ಲಿ ಇದೊಂದು ಸಕತ್ ಒಳ್ಳೆ ನಡೆ ಗುರು !

2 ಅನಿಸಿಕೆಗಳು:

ಸರಿತಾ ಅಂತಾರೆ...

ನಿಜಕ್ಕೂ ನಮ್ಮ ಕರ್ನಾಟಕದ ಈ ಪ್ರಯತ್ನ ಪ್ರಶ೦ಸಾರ್ಹ ಹಾಗೂ ಶ್ಲಾಘನೀಯ. ಆದರೆ ಆದಷ್ಟು ಬೇಗ ಜಾರಿಗೆ ಬರಲಿ.

megan ಅಂತಾರೆ...

gurugale namma raajya sarkaara nijakku olleya kaarya maaduttide. illi americadalli TV nalli nodidde. sumaaru 80s nalle illiya shaalegalalli (HIgh school) shares bagge ide. Infact makkalu adara bagge project maadi torisabeku. Fake money tagondu adannu real life paper nalli baruva company shares galalli invest maadi avara total amount jaasti maadi torisabeku. they should actually hv idea on which company to invest and when to sell the shares to make more money (ofcourse with parent's help). Namage ivaaga kooda shares bagge ashtaagi gottilla nachike agbeku. Shares makkalige kalisuvudu olleyadu. banking bagge shaalegalalli modalindane ide anisutte i did math problems abt banking credit, debit, simple interest, compund interest etc etc odiddu nenapide ... but shares bagge naavu oduvaaga iralilla ...

ನಿಮ್ಮ ಅನಿಸಿಕೆ ಬರೆಯಿರಿ

"Anonymous" ಆಗಬೇಡಿ, ಯಾವುದಾದರೂ ಒಂದು ಹೆಸರಿಟ್ಟುಕೊಂಡು ಸೋಮಾರಿತನವನ್ನು ಎದುರಿಸಿ!

Related Posts with Thumbnails