ತಕ್ಕಳಿ ಬಂದೈತೆ ಶಂಖದಿಂದ ತೀರ್ಥ!

ಕಳೆದ ಹದಿನೈದು ದಿನಗಳಿಂದ ವಿ.ಕ.ದಲ್ಲಿ ಪ್ರತಿ ದಿನ ನಟರಾಜ್ ಅನ್ನೋರು ಕರ್ನಾಟಕದ ಇತಿಹಾಸದಲ್ಲಿ ಆಂಗ್ಲರು ಕನ್ನಡಕ್ಕೆ ಸಲ್ಲಿಸಿದ್ದ ಸೇವೆಗಳನ್ನ ಬರಹ ರೂಪದಲ್ಲಿ ಪಟ್ಟಿ ಮಾಡಿಟ್ಟಿದಾರೆ. ಅಬ್ಬಬ್ಬ! ನಿಜಕ್ಕೂ ಬ್ರಿಟಿಷರೇ ಇಷ್ಟೆಲ್ಲಾ ಕನ್ನಡ ಪರವಾಗಿ ಕೆಲ್ಸ ಮಾಡಿ, ಮಾಡಿಸಿರೋದು ಕೇಳ್ದ್ರೆ ಔರಿಗಿದ್ದ ತಿಳುವಳಿಕೆ ನಮಗೆ ಇನ್ನೂ ಇಲ್ಲವಲ್ಲಾ ಅಂತ ತಲೆ ಚೆಚ್ಕೋಬೇಕು ಅನ್ನಿಸುತ್ತೆ ಗುರು!

ನಟರಾಜ್ ಅವರ ಎಲ್ಲಾ ಬರಹಗಳಲ್ಲೂ ಎತ್ತಿ ತೋರುಸ್ತಾ ಇರೋದೇನಪ್ಪಾ ಅಂದ್ರೆ ಆಗಿನ ಪ್ರತಿಯೊಬ್ಬ ಬ್ರಿಟಿಷ್ ಅಧಿಕಾರಿಯಲ್ಲೂ "ಎಲ್ಲೇ ಆಗಲಿ, ಆಡಳಿತ ವ್ಯವಸ್ಥೆ ಸ್ಥಳೀಯ ಭಾಷೇಲೇ ಇರಬೇಕು" ಅನ್ನೋ ಸತ್ಯದ ಅರಿವಿತ್ತು ಅನ್ನೋದು. ಕ್ಲಾರ್ಕ್ ಅನ್ನೋ ಪಾಲ್ಟಿ ಇದಕ್ಕೆ ಕೊಟ್ಟಿರೋ ಸಮರ್ಥನೆ ನೋಡಿದರೆ ಇಷ್ಟು ತಿಳುವಳಿಕೆ ಇನ್ನೂ ನಮ್ಮ ಜನಕ್ಕೆ ಬಂದಿಲ್ಲವಲ್ಲಾ ಅಂತ ಬೇಜಾರಾಗತ್ತೆ ಗುರು:
"ಎಲ್ಲಾ ಅರ್ಜಿಗಳು ಇಂಗ್ಲೀಷಿನಲ್ಲಿ ಬಂದರೆ ತಾಲೂಕ್ ಹಾಗು ವಿಭಾಗೀಯ ಮಟ್ಟದಲ್ಲಿ ಅದನ್ನ ಕನ್ನಡಕ್ಕೆ ಅನುವಾದಿಸಬೇಕಾಗುತ್ತದೆ. ಕನ್ನಡವಾದರೆ ಈ ಹೊರೆ ತಪ್ಪುತ್ತದೆ."

ಆಹಾ! ನಮ್ಮ ಇಂದಿನ ಸರ್ಕಾರವೂ ಅರ್ಥ ಮಾಡಿಕೊಳ್ಳದೇ ಇರೋ ಮಾತನ್ನ ಈ ಮನುಷ್ಯ ಎಂತಹ ಸುಲಭವಾಗಿ ಹೇಳಿದಾರೆ ನೋಡು ಗುರು! ನಮ್ಮ ಜನರ, ಜನರಿಗಾಗಿ, ಮತ್ತು ಜನರಿಂದ ರಚಿಸಲಾಗಿರೋ ಸರ್ಕಾರದ ಜೊತೆ ನಾವ್ಯಾಕೆ ಇಂಗ್ಲಿಷಿನಲ್ಲಿ ವ್ಯವಹಾರ ಮಾಡಬೇಕು? ಕನ್ನಡ ತಾನೆ ಅದಕ್ಕೆ ಸರಿಯಾದ ಮಾಧ್ಯಮ? ನಮ್ಮ ಸರ್ಕಾರಿ ಕಚೇರಿಗಳ ಇಂದಿನ ಹೆಸರುಗಳ್ನ ನೋಡು ಗುರು! ಎಲ್ಲಾ ಹೆಸ್ರುಗಳು ಮತ್ತವುಗಳ ಬೋರ್ಡುಗಳು ಎಲ್ಲಾ ಆಂಗ್ಲಮಯವಾಗಿವೆ! ರಾಜ್ಯಸರ್ಕಾರದ ವಿಭಾಗಗಳು ಕನ್ನಡದಲ್ಲಿ ಸ್ವಲ್ಪಮಟ್ಟಿಗೆ ಮಾಡ್ತಿವೆ, ಆದ್ರೆ ಪೂರ್ತಿ ಕನ್ನಡದಲ್ಲೇ ಎಲ್ಲಾ ಕೆಲಸಗಳ್ನೂ ಮಾಡೋ ದಿನ ಇನ್ನೂ ಬಂದಿಲ್ಲ. ಇನ್ನು ಕೇಂದ್ರಸರ್ಕಾರಗಳಿಗೆ ಹಿಂದೀರೋಗ ಹತ್ತಿರುವಾಗ ಕನ್ನಡ ಕೇಳೋರ್ಯಾರು?

ಇದಕ್ಕೆ ಹೋಲಿಸಿ ಈ ಕ್ಲಾರ್ಕ್ ಎಂಬಾತನ ಆಡಳಿತದಲ್ಲಿ ವ್ಯತ್ಯಾಸ ನೋಡು ಗುರು: ಈತ ಕನ್ನಡೇತರ ಭಾಷೆಗಳಲ್ಲಿ ಬಂದ ಅರ್ಜಿಗಳನ್ನ ಮುಲಾಜೇ ಇಲ್ದೆ ತಿರಸ್ಕರಿಸ್ತಿದ್ನಂತೆ! ಇದು ಒಂದು ಭಾಷೆಯ ಮೇಲಿನ ಅಭಿಮಾನ ತೋರ್ಸತ್ತೆ ಅನ್ನೋದಲ್ಲ ಮುಖ್ಯವಾದ ವಿಷಯ; ಇಲ್ಲಿಯ ಆಡಳಿತವನ್ನ ನಿಜವಾಗಲೂ ಸರಿಯಾಗಿ ನಡೆಸಕ್ಕೆ ಕನ್ನಡಾನೇ ಸಾಧನ ಅಂತ ಅರ್ಥ ಮಾಡ್ಕೊಂಡಿದ್ರು ಅನ್ನೋದು. ಜಾನ್ ಮೆಕ್ರಾಲ್ ಎಂಬ ಬ್ರಿಟಿಷ್ ಅಧಿಕಾರಿ ಆಡಳಿತದಲ್ಲಿ ಸ್ಥಳೀಯ ಭಾಷೆಗಳ ಮಹತ್ವದ ಕುರಿತು ಹೀಗೆ ಹೇಳಿದ್ರಂತೆ:
"ಪ್ರಾಂತೀಯ ಭಾಷೆಯ ಪರಿಜ್ಞಾನವಿಲ್ಲದೆ ಯಾವೊಬ್ಬ ಸರ್ಕಾರಿ ನೌಕರನು ತನ್ನ ಸರ್ಕಾರಕ್ಕಾಗಲಿ, ಜನತೆಗಾಗಲಿ, ಅಷ್ಟೇಕೆ ತನ್ನ ಆತ್ಮತೃಪ್ತಿಯಾಗುವಷ್ಟರ ಮಟ್ಟಿಗಾಗಲೀ ತನ್ನ ಪಾಲಿನ ಕರ್ತವ್ಯವನ್ನ ನಿರ್ವಹಿಸಲಾರ."

ಹೊರಗಿನಿಂದ ಬಂದಿದ್ದ ಈ ಆಂಗ್ಲದೋರು ಕನ್ನಡವನ್ನ ಕೇವಲ ಕಲಿತೋರಲ್ಲ, ಅದನ್ನ ಬೆಳೆಸೋಕ್ಕೆ ಏನೆಲ್ಲಾ ಸಾಧ್ಯವೋ ಅವೆಲ್ಲಾ ಮಾಡೂ ಇದ್ರು. ಕನ್ನಡವೇ ಬಾರದ ಈ ವಿದೇಶಿಗರು ಬೇರೊಂದು ಭಾಷೆ ಕಲಿತಿದ್ದಲ್ದೆ ಪುಸ್ತಕಗಳ್ನ ಕನ್ನಡಕ್ಕೆ ಅನುವಾದ ಮಾಡಿ, ಮಾಡಿಸಿ, ಕನ್ನಡದಲ್ಲಿ ಪುಸ್ತಕಗಳೂ ಬರ್ಯೋ ಕೆಲ್ಸಮಾಡಿದಾರೆ. ಫ್ಲೀಟ್ ಎಂಬಾತ "ಕನ್ನಡ ಜಿಲ್ಲೆಯ ರಾಜಮನೆತನಗಳು" ಎಂಬ ಪುಸ್ತಕವನ್ನ ಬರ್ದಿದ್ರು ಅಂತ ತಿಳ್ಸಿದಾರೆ. ಇದೇ ಮನುಷ್ಯ ಕನ್ನಡ ನಾಡಿನಲ್ಲಿ ತಾನು ಕಳೆದ ಜೀವನದ ದಿನಗಳನ್ನ ನೆನಪಿಸಿಕೊಂಡು 1901ರಲ್ಲಿ
"ಭಾರತದ ಭಾಷೆಗಳಲ್ಲೆಲ್ಲಾ ಅತ್ಯಂತ ಮಧುರವಾದ ಭಾಷೆ ಅಂದ್ರೆ ಕನ್ನಡ, ಶ್ರೀಮಂತ ಭಾಷೆ ಅಂದ್ರೆ ಕನ್ನಡ"

ಅಂತ ಹೇಳ್ಕೊಂಡಿದಾರೆ. ಹೊರಗಿನಿಂದ ಬಂದೋರಿಗೇ ಕನ್ನಡದ ಬಗ್ಗೆ ಇಂತಹ ಅಭಿಮಾನ ಇದ್ದಾಗ ಇನ್ನು ನಮಗೆ ನಮ್ಮ ನುಡಿಯ ಬಗ್ಗೆ ಇದಕ್ಕಿಂತ್ಲೂ ಹೆಚ್ಚಿರ್ಬೇಕು ಅಲ್ವ ಗುರು?! ನಮ್ಮ ಭಾಷೆ ನಿಜವಾಗ್ಲೂ ಎಷ್ಟು ಶಕ್ತಿ ಉಳ್ಳೋ ಭಾಷೆ ಅಂತ ತಿಳ್ಕೊಳೋದು ಮುಖ್ಯ ಗುರು!

ಆಡಳಿತ ಭಾಷೆ ಕನ್ನಡವೇ ಆಗಿರ್ಬೇಕು ಅಂತ ಶಾಸನಗಳ್ನ ಹೊರ್ಡ್ಸಿರೋ ಬ್ರಿಟಿಷ್ ಅಧಿಕಾರಿಗಳೇ ಹೆಚ್ಚು! ಉದಾಹರಣೆಗೆ ರೈಸ್ ಎಂಬಾತ ತನ್ನ ಅಧಿಕಾರಾವಧಿಯಲ್ಲಿ ಶಿಕ್ಷಣ ಮತ್ತು ಆಡಳಿತಗಳು ಕನ್ನಡದಲ್ಲೇ ಇರ್ಬೇಕು ಅಂತ ಕಡ್ಡಾಯಗೊಳಿಸಿದ್ರು. ಆಡಳಿತ ವ್ಯವಸ್ಥೆಯಲ್ಲಿ ಜನಸಾಮಾನ್ಯನಿಗೆ ದಕ್ಕಬೇಕಾದ ಮಾಹಿತಿ ಎಷ್ಟು ಮತ್ತೆ ಯಾವ ರೀತಿಯಲ್ಲಿ ದಕ್ಕಬೇಕು ಅಂತ ಇಂದಿನ RTI ಮಾದರಿಯ ಅರಿವು ಆಗ್ಲೇ ಇತ್ತು ಅಂತ ಇದ್ರಿಂದ ಗೊತ್ತಾಗತ್ತೆ ಗುರು! ಆದ್ರೆ ಇವತ್ತಿನ ದಿನ ನಮ್ಮ ಸರ್ಕಾರದೋರು RTI ಅನ್ನೋ ಹೆಸರಲಲ್ಲಿ (ಮೊದಲಾಗಿ ಅದೇ ಇಂಗ್ಲೀಷು!) ಎಲ್ಲಾ ಇಂಗ್ಲೀಷುಮಯ ಮಾಡಿ ಕೂತಿರೋದು ಎಂಥಾ ಮೂರ್ಖತನ ಗುರು!

ಕುಂಟುನೆಪಗಳ್ನ ಹೇಳ್ಕೊಂಡು ಕೆಲಸ ತಪ್ಪಿಸಿಕೊಳ್ತಾ ಜನರನ್ನ ಕಷ್ಟಕ್ಕೆ ಸಿಕ್ಕಿಸುತ್ತಾ ಇರೋ ನಮ್ಮ ಸರ್ಕಾರದೋರು, ಆಡಳಿತಗಾರರು ಈ ಬ್ರಿಟೀಷರ ಕಾಲ್ಕೆಳಗೆ ನುಸುಳಬೇಕು! ಹೋಗ್ಲಿ, ಏನೂ ಬೇಡ, ಫಾರಿನ್ನೋರು ಹೇಳಿದ್ರು ಅಂತಾನಾದ್ರೂ ಕನ್ನಡಾನ ಜಾರಿಗೆ ತರಬಾರದೆ?! ಅಥವಾ ಈಗಿನ ಫಾರಿನ್ನೋರು ಯಾರ್ನಾದ್ರೂ ಕರ್ದು ಭಾಷಣ ಬಿಗಿಸಿ ಶಂಖದಿಂದ್ಲೇ ತೀರ್ಥ ಬರ್ಸೋಣವೆ?

10 ಅನಿಸಿಕೆಗಳು:

Anonymous ಅಂತಾರೆ...

Bengaluru 'global city' aagbekante, 'cultural capital of new economy' aagbekante..noDi ee link anna

http://www.rediff.com/money/2007/nov/23blore.htm

Anonymous ಅಂತಾರೆ...

e ondu kannada parivartane ennu ella grama mathu taaluku panchayati indu jaarige tarubeku..ella aangla bashaya vishaygallannu namma acha kannadadalli parivartane madbeku...iddannu sarkaarakke notice kalisbeku...enu anti guru...?

- Sharan

Maddy ಅಂತಾರೆ...

Britishnorige idha kannadadha bagegina kaalaji.. ivathige namma janarallagali.. rajakarinigaligagali illadhe iruvudhu bahala novina vishaya.. :(

Anonymous ಅಂತಾರೆ...

vyapara mattu haNa gaLikeya drushTi inda kannaDa, kannaDig mattu karnaTaka ellavannu haaLu maaDuva janarige intha vichaara tiLipaDisbeku! vaddu buddi hELbeku!

Hussain ಅಂತಾರೆ...

innondu uttama udh harane ,

malenadina obba putta huduga english nalli kavan bardanante igina BEO galu tarah aagina british BEO ;) aa balakana bennu tatti, bhesh maagu, neenyake ninna maatru bhasheyalle baribardu anta heliddikke, aa baalaka munde kannadakkagi Gnanapeetha Prashasthiyanna tandu kotta.
bere yaaru alla namma nimma aapta KUVEMPU, adakke avru heltare kannadakkagi ninna kiru beralettu adu kalpavrukhsa aagutte anno maatu sullalla.

yellru idanna aritu saagona beriyavrigu kalisona

yen antira Guru, kaafi aaita :)

Prastutha ಅಂತಾರೆ...

hi,
tumba olleya vishaya..brtishes istalla maadiddare antha gottirlilla.

Kannada chitragethegaligaagi omme http://chitrageethe.blogspot.com
beti kodi.

Anonymous ಅಂತಾರೆ...

kannaDa chaluvaLigaLige gaambheerya tharabEkaadare What HaaLu nagaraajanantha aasamigaLannella gadiparu maadabEku.

ಆಸಿಫ್ ಅಂತಾರೆ...

"ಇನ್ನು ನಮಗೆ ನಮ್ಮ ನುಡಿಯ ಬಗ್ಗೆ ಗೌರವ ಇದಕ್ಕಿಂತ್ಲೂ ಹೆಚ್ಚಿರ್ಬೇಕು ಅಲ್ವ ಗುರು?" - ಎಲ್ಲಿನ ಗೌರವ ಅಭಿಮಾನ ಸ್ವಾಮಿ? ಜನಕ್ ಇದಿಕ್ಕೆಲ್ಲ ಟೇಮಿಲ್ಲ ಎತ್ತಿ. ಈ ಅಭಿಮಾನ ಸ್ವಾಭಿಮಾನ ಎಲ್ಲ ಮನೆಯ ಹಿತ್ತಲಿನಲ್ಲಿ ಮೂಟೆ ಕಟ್ಟಿ ಇಡ್ತಾರೆ. ಡೆಮಾಕ್ರೆಸಿ ದೇಶನ ಹಾಳು ಮಾಡ್ತಿದೆ ಆದ್ರೆ ಯಾರಿಗೋ ಇದನ್ ಕೇಳಕ್ಕೂ ಇ೦ಟ್ರೆಸ್ಟ್ ಇಲ್ಲ.

SUNIL KUDLA ಅಂತಾರೆ...

NODI MARAYARE NIMAGE GOTTIDEYO ILVO ADRE KANNADADA PRATHAMA DINAPATRIKE MANGALOORU SAMACHARA RACHISSIDDU HAGU TULU VANNU ADYANA MADI GRANTARUPAKKE ILLISIDDU NAVU VIDESHI GALENDU TEGALUVA GERMAN MISSONERY GALU MATRA VALLA KARAVALI YALLI KONKANNI YANNU BADIDEBISSIDU ITALIAN MISSIONARY GALU ADA RE NAMMA SARKARA YAKE hindi GE BAHUPARAK HELUTADE ENDU NANAGANTU ARTHVAGOLLA MARAYARE
JAI KANNADA

guru ಅಂತಾರೆ...

AAnglaru heliddu nijavendu annistide..Naavu Bhaarateeyaru aaluvudakkalla..Aalisikolluvudakkashte arharu..Allwa???

ನಿಮ್ಮ ಅನಿಸಿಕೆ ಬರೆಯಿರಿ

"Anonymous" ಆಗಬೇಡಿ, ಯಾವುದಾದರೂ ಒಂದು ಹೆಸರಿಟ್ಟುಕೊಂಡು ಸೋಮಾರಿತನವನ್ನು ಎದುರಿಸಿ!

Related Posts with Thumbnails